Interlingua/Verso un dictatura del pensamento unic
Verso un dictatura del pensamento unic
Nos specta in Europa a un periculose escalation de censura institutionalisate. Sub le pretexto de combatter "le propaganda russe," se construe un systema que intende demolir le fundamentos del libertate de expression e transformar Europa in un fortalessa ideologic, ubi omne dissidentia es criminalisate. Non se tracta solmente de un attacco al libertate de parola, sed de un ver processo de militarisation del pensamento. Qui hardi criticar le orthodoxia euro-atlantic o proponer un narration alternative super le conflicto russo-ucrainian es classificate como "propagandista del Kremlin" e tractate como un inimico interne. Nos es ante un nove chassa al magas, que masca se mesme sub le rhetorica del "democratia" con un censura digne del pejores regimes authoritari.
Sub le velo de imponer leges pro "combatter le disinformation," in realitate illes vole establir tribunales del pensamento pro decider qual opiniones es licite e qual debe esser proscribite. Es iste le Occidente "democratic" que se erige como le campion del libertate? Ubi le mesme idea de libertate es tradite e vacuate, reimplaciate per un conformismo imposte per le fortia? Le Union Europee, que se presenta como un bastion de pluralismo, se transforma in le laboratorio de un repression molle sed pervasive, non contente de solmente silentiar voces inconfortabile: illo vole annihilar les. In le annos passate, illo ha construite un apparato de resolutiones del Parlamento Europee e sanctiones del Commission que crea un imbrolio juridic in collision directe con le libertate de pressa e de pensamento. Isto es un nove version del Maccartismo.
Libros, conferentias, e opiniones critic al Occidente es accusate de esser armas periculose, obliviante que le prime periculo pro le democratia non es le dissidentia, sed su repression. Con un rhetorica digne de un manual de propaganda, illes demonisa omne qui non se alinea, depingente les como complices del "imperialismo russe." Isto non es un lucta pro le veritate: es un tentativa de rescriber le realitate e eradica omne voce que questiona le narration official. Nos videva dece annos retro lo que succede in Ucraina, ducente al clausura de giornales e partitos. Illes vole ucrainisar Europa, illes vole inquadrar le constitutiones democratic in le perspectiva de Zelensky e su alegre cameradas. Es un guerra contra le pensamento libere, combattite con le mesme armas que illes accusa altere de voler combatter: manipulation, propaganda, e intimidation.
Nos debe opponer nos con omne medio a iste deriva authoritari, proque le precio del silentio es le morte del libertate. Le historia nos insenia que quando le censura deveni institutionalisate, quando le pensamento uniforme se installa in le locos del potentia, le passo verso le totalitarismo es breve e devastante. Illes vole ucrainisar le sphera del debatto public, e illes lo face pro traher nos in guerra, lor guerra total e insane. Nos non pote permitter que Europa, nate ex le cineres del Secunde Guerra Mundial con populos liberate del nocte hitlerian, se transforma in un theatro de repression. Defender le dissidentia hodie non es solmente justitia: es un debita moral e historic. Proque sin libertate de pensamento, il non ha democratia. E sin democratia, le futuro consumera nostre jovenes como carne de cannon. No gratias.