Interlingua/Eurasia e le Valores Traditional: le Defia del globalismo
Instaurare omnia in Christo
Adresse de Carlo Maria Viganò, Archiepiscopo, Ancian Nuntio Apostolic al Statos Unite de America al Conferentia “Eurasia e le Valores Traditional: le Defia del globalismo” - Verona, April 5, 2025.
Car amicos,
permitte me in prime loco de extender mi salutationes e mi gratias a vos omnes pro le opportunitate de participar in iste evento. Como vos sape, io habeva le opportunitate de parlar al “Conferentia International del Russophilos” le 14 martio 2023 e le 28 februario 2024. In ille circumstantias, io reiterava mi supporto e proximitate spiritual al populo russe e al presidente Putin, sublineante le mendacios fallace que le propaganda globalista divulga con impunitate pro legitimar un conflicto que nunquam haberea debite comenciar. Io non pote que gauder del approchamento inter le America de Trump e le Russia de Putin, justo in le momento in que le subversivos del Union Europee cerca a omne costo de sabotar le dialogos de pace e incitar contra ambe duo lor corrupte marionette; Zelensky.
Le situation politic international
Durante que nos hic parla super questiones que es specialmente car a nostre cordes, nostre governantes planifica le rearmamento del nationes europee, justificante isto con le pretendite menacia que le Federation Russe representarea pro le pace e securitate international. Ma nos sape ben que non esseva Russia, sed NATO, que non respectava le compromissos prendite re le non-expansion de su bases verso le oriente, con le complicitate del "deep state" angloamerican in le destabilisation del Ukraina per medio de un cambio de regime sponsorisate per USAID. Le construction de un armea commun serve, in veritate, a promover le conditiones pro le creation de un entitate europee que absorbe e annihila le soveranitates national, e que poterea fortiar le statos membros – in attesa de inglutir los – per medio del uso de fortia militar.
Si Hungaria, Romania, o qualcun altere nation non submissive al dictatos de Bruxelles causarea problemas al realisation del objectivos del Union Europee, nos poterea vider mover se sur Budapest o Bucarest le armea de von der Leyen – forsan con soldados islamic recrutate inter le hordas de immigrantes que nos invade. Le Prime Ministro italian Giorgia Meloni deberea reflecter profundemente super isto e ascoltar su alliatos in su coalition de governamento qui ancora ha un major objectivitate que certe membros "pro-europee" de su partito e de “Forza Italia”. Nos non debe oblidar que le fortias armate es institutiones que debe gauder de legitimisation democratic: submittite al controlo de un entitate superior, illos deveni in veritate instrumento de coercition illegitime de un dictatura.
Ma isto, in un perspectiva a longe termino, es exactemente lo que le synarchia globalista vole realisar: crear un nation europee que, a su vice, se incorporarea in le governamento unic del Nove Ordine Mundial. Illo resta a vider si le Statos Unite permittira le creation de un armea potentialmente hostile, que paradoxalmente operarea intra le quadro del NATO, del qual Washington es ancora membro.
La ration real del rearmamento
Exactemente como le precedente pandemia e emergentias ambiental, le ration official date al timite emergentia bellic servi a celar altere propositos: le ver objectivos del projecto “Rearm Europa”, nunc renominate: “Readiness 2030”, con un referentia significative al Agenda del mesme nomine, es de permitter a Germania e Francia, insimul al Grande Britannia, de converter le sector automotive destruite per le folle politica del “NetZero” in le production de armas e tanks. Le firmas Stellantis e Luxottica, de lor parte, jam se move a que le governamento italian les provide le adjuta que permittera le mesme conversion, de post haber beneficiate de fundos public in 2020 pro producer mascas pro le psychopandemia. E durante que le pagatores de impostos paga pro le disastro del Agenda 2020, Ursula von der Leyen se prepara a manear le contos de individuos private pro financiar su illusiones bellicista con plus de 800 miliardos de Euros, con le incoragiamento de leaders national, escate per le prerspectiva de producer armamentos al expensas de lor citatanos e in derogation del parametros de Maastricht. Naturalmente, vidente quanto esseva surreal como le Sinistra pacifista se reuniva a Roma in Piazza del Popolo pro appoiar le rearmamento, rendite grottesc per le presentia de illes que es preste a denegar lor ideas sur commando (e pagamento). Nos non pote, tamen oblidar como Elly Schlein, leader del Partito Democratic italian, vole esser herede de celle subversive Manifesto de Ventotene, in le qual le franc-mason e “patre fundator” del Union Europee, Altiero Spinelli, theorisava le dictatura del proletariato, le inutilitate del processo democratic e le empleo de un Armea Europee pro fortiar le massas a obedir.
Il ha illes qui argue que Zelensky non pote esser excludite ab le negotiationes de pace pro Ukraina, nonobstante le facto que ille es clarmente le perditor sur tote le frontes e gaude de nulle legimitate, habente bandite le electiones presidential e le partitos de opposition ukrainian. In 2023 io scribeva:
“Ukraina age como un ariete in le guerra vicari (proxy war) de NATO contra le Federation Russe, assi nos deberea primo cessar de considerar Zelensky como interlocutor in qualcunque accordos de pace: si ille esseva considerate de nulle conto in le declaration de guerra e in le continuation del actiones militar conducite usque hodie, io non vide qual rolo ille poterea o deberea haber a un tabula de pace”.
Isto es lo que le presidentes Putin e Trump declarava recentemente durante que illes se preparava a negotiar pro facer cessar iste conflicto disastrose, le qual haberea potite esser evitate si le Accordo de Minsk haberea essite infortiate. Ab iste puncto de vista, le tregua desirade de Macron e Starmer, que ha essite jam largemente violate - como il eveniva previemente - simplemente esserea un ganiar tempore pro rearmar Ukraina e continuar le guerra in vice que facer lo cessar. Le General del armea italian Marco Bertolini recentemente declarava:
“Le Regno Unite [...] de post haber repudiate le Europa Unite quitante lo con un referendum, nunc volerea poner se mesme a capite del paises europee remanente pro portar nos omnes a un guerra e realisar su objectivos historic, illo de destruer Russia pro dismembrar lo in plure statos-vassallo e depredar su ressources immense con su proprie classic spirito colonialista britannic. Le élites europee [...] hodie volerea de novo attaccar Russia e portar de novo Europa al guerra e al destruction. Le paradoxo es que tote illes qui ha undeate le stendardos del pace, e commatrate super “un Europa de Pace, Libertate e Democratia” nunc desira iste guerra in le momento mesme quando le Federation Russe e le SUA cerca obtener un accordo de pace. Illes es falsos - plus false que un billet de un Euro. Pro iste ration, io sinceremente spera que iste horribile Union Europee - oligarchic, bellicista, autoritari e contra le populos - potera tosto dissolver se, e que statos authenticamente soveran trovara formas de collaboration e cooperation, diverse ab illos nunc currente, que tendera al pace e al ben-esser social e economic de lor citatanos”.
Focos de nove conflictos
Totevia, justo quando le possibilitate de un Tertie Guerra Mundial in le corde de Europa sembla haber essite evitate, un nove fronte se aperi in le Medio Oriente, ubi iste vice le guerra per interpositos es executate per le Statos Unite contra Yemen (e consequentemente contra Iran). Nos debe sperar e orar que le presidente Trump non se lassa implicar in un nove conflicto, lo qual joca in favor del homine qui in Israel ha essite delegitimate per su proprie citatanos.
Un altere foco de tension se trova in Syria, post le colpo de stato que portava al poter le terrorista islamic Abu Mohammed al-Jolani, expellente le legitime presidente Bashshār al-Assad. Le vice-presidente J.D. Vance denunciava le persecution e le genocidio del minoritate christian e alawita, ma intertanto le Union Europee annunciava alcun septimanas retro que ille inviara 5.8 milliardos de euros in adjuta pro sustener illes qui massacra nostre fratres christian in Syria. In le mesme tempore in Gaza, pro le ennesime vice, le criminal de guerra Netanyahu rompe le cessation del foco e continua a exterminar le civiles palestinian, sub le pretexto de voler eliminar le terroristas de Hamas.
Le action subversive del lobbys
In breve, nos es facie a un situation politic extrememente complexe, in le qual le decisiones es quasi sempre prendite per personas que non ha alcun legitimitate democratic e que responde al lobbys supranational. Nos ha vidite isto hic in Italia con le discurso de Mario Draghi le 18 de martio 2025, in le qual ille declarava que il es necessari "un catena de commando plus alte que coordina exercitos heterogenee e que se distacca del prioritates national". Io me demanda si al tempore del presidente Cossiga (1985–1992) iste affirmation subversive non haberea resultate in le arrestation del “turpe negotiante” pro alte trahition. In le mentes del eurocrates, nostre rolo (como citatanos italian) debe esser limitate a pagar de nostre proprie bursas — e forsan mesmo con nostre proprie vitas — le delirios de poter del élite de Bruxelles. E quando nos vide que le assignation de 800 milliardos de euros pro le rearmamento per parte del Union Europee es accompaniate per le activation del moneta digital per le Banca Central Europee (previdite pro le proxime octobre), nos comprende ben que le controlo del Systema super le moneta del citatanos vole devenir total, e que nos non habera plus le possibilitate de rebellar nos contra le decisiones del tyrannos globalista.
Io non pensa que on debe esser un experto in strategia international pro comprender que iste quadro es nihil de secur o tranquille, proque le interesses economic del grande fundos de investimento — le quales include le industrias pharmaceutic, bancari e militar — es le principal promotores del ideologia globalista, e al mesme tempore illes es le prime, si non le sol beneficiarios.
Pax Christi in Regno Christi
Lo que es clar es que le pace es un eventualitate que multe – nimie multe – interesses es determinate a evitar a omne precio. Del altere parte – e hic io vos parla como un episcopo – le “Pax Christiana” ha nihil in commun con le pace de iste mundo. Nostre Senior nos lo rememorava in su splendide discurso al Apostolos durante le Ultime Cena: «Io lassa vos le pace, io da vos mi pace. Io non la da a vos como le mundo lo da. Non sia turbate vostre corde, ni time» (Johannes 14:27). Isto es proque le pace de Christo suppone un ordine moral e social que iste mundo non comprende e non vole, tanto que illo remane sin conversion e non retorna a Christo. Proque le pace de Christo depende del recognoscentia de Ille como Rege e Senior de tote le societates terren, del comprension que le unic detentor de autoritate super le terra es Nostre Senior, e del admission que le poter del regentes es legitime solmente si illo es exercitate intra le limites del Bon que Deo ha establite. Proque le pace de Christo es exactemente le opposito del pacifismo hypocrita de un mundo antichristian sclavisate al Adversario. “Pax Christi in regno Christi”, dice le dicto: ma qual pace pote alcuno haber, quando il ha devenite un acto de “discurso de odio” proclamar que Christo es Rege?
Le attacco al societate occidental
E hic nos attinge le puncto focal de nostre incontro.
Le thema de vostre conferentia es: «Eurasia e valores traditional: le defia al globalismo». Permitte me indicar que il non se tracta de un “defia”, ma de un guerra – un guerra non conventional e non declarate, un guerra sin misericordia, in le qual un minoritate subversive de criminales qui ha usurpate le poter a omne nivello intende subjugar le populos del West occidental, olim christian, mesmo ponente los in guerra contra le Islam pro poter observar cinicamente lor destruction mutue. Nos es facie a un lobby de personages largemente compromittite, moralmente corrupte, intellectualmente illudite, qui es tenite sub extortion pro crimines execrabile. Iste lobby, que ha infiltrate le plus alte nivellos del institutiones civil e religiose, representa un menacia mortal – litteralmente – al integre humanitate, que illo considera como essente sub su mercede, e que illo intende decimar, e postea reducer in servitude le superviventes.
In le annos recente nos ha essite testas del demolition definitive del principios que constitue le fundationes del Civilisation Christian, con le complicitate del Ecclesia de Papa Bergoglio, que es non minus corrupte e vulnerabile al extortion. E ille aptitude de renunciation que alcunes inter vos credeva motivate per tolerantia o per le desiderio de harmonia inter le populos, se ha revelate in vice un complicitate culpabile con le inimico, un servilitate cortisan al plano globalista, e un trahition coarde al populos.
Le substitution ethnic e le islamisation de nostre citates per le invasion de immigrantes illegal; le propaganda “woke” in favor del perversiones moral del ideologia LGBTQ e de genere; le farsas del pandemia e del vaccinos, con le complicitate del medios de communication mainstream e del classe medical; le fraude climatic, basate super theorias flagrantemente sin fundamento e alarmismo absurde; le guerra como medio pro celar le corruption del classe dirigente occidental; le destruction del familia natural; le impoverimento systematic del classes plus debile e le reduction continue del protectiones syndical e securitate social: tote iste attaccos contra nostre societate non es le resultato de simple contingentias o de coincidentias, ma plus tosto le fructo de un plano subversive que ha su origine in le élites globalista, e principalmente in le “World Economic Forum”, con financiamento de “USAID” e altere agencias governamental statounitense durante administrationes precedente. Le reduction de fundos decidite in le Statos Unite per le “DOGE” ha revelate un machina infernal designate a intervenir – al detrimento del contributor e in su prejudicio – in le governamento del nationes e a subverter le ordine social: usque nunc nos ha solmente vidite le culmine del iceberg. Nos omnes es persuade que le action de Soros e de su fundationes “philanthropic” debe esser stoppate e punite, como jam es in curso in certe nationes.
Le Menacia del Globalismo Woke
Pro iste rationes, car amicos, io non parlarea de "valores traditional", como si illo esseva alcun cosa dismodate que merita remaner in nostre memoria como in un museo. Le Tradition – in su significato catholic – consiste in mantener vivente e ardente le flamma sacre del Veritate, non in preservar su cineres.
Si vos es hic hodie, como vos esseva in le strata protestante contra le greenpass e plus recentemente contra le propaganda bellicista del sinistra radical, isto es proque vos ha comprendite que le menacia non veni de foras, ni es representate per le Federation Russe. No, le ver menacia hodie consiste in illes qui, sin alcun legitimitate, al plus alte nivellos del Nationes e del Union Europee, perseque le establimento de un dictatura global. Iste dictatura vole destruer cata residuo de soveranitate national, identitate, cultura, religion e civilisation. Illo debe occider omne sperantia, disarmar omne protesta, facer tacer omne critica, criminalisar omne voce dissidente, e impedir omne confrontation: proque, ultra le violentia e le censura, illa non ha ulle argumento pro legitimar su action tyrannic.
Es pro isto que io non usarea le termino "valores", ma plus tosto "principios" – proque le valores es subjecte a cambiar, durante que le principios es fundate super le veritate e remane immutabile in le tempore.
Io vole esser ancora plus clar, e io spera que vos me excusara si io appare un poco aspre in mi affirmationes. Si nos crede poter combatter le menacia epochal del globalismo franc-masonic continuante a defender "valores" tal como "le Risorgimento", "le democratia" o "le Resistentia", nos es vermente foras del strata. Lo que tote iste ideas ha in commun es que illas proveni de un matrice revolutionari, que es intrinsecamente antihuman e antichristic. Le societate moderne ha oblidate – e in veritate ha calcate – le derectos souveran de Deo pro replaciar los con le "derectos del homine", le qual se face ipse un deo; e multos continua a non comprender que, si nos non recognosce que le autoritate terren ha un limite date per su necessari conformitate con le autoritate divin de la qual illa emana, nos aperi le via a un regime totalitari in le qual le poter es auto-referential e dunque absolute.
Instaurar Omne Cosa in Christo
Si hodie le Federation Russe e su presidente Vladimir Putin es inimicos del globalismo, isto es exactemente pro lor re-appropiation de un hereditage christian que le materialismo atheistic habeva cercate cancellar. E es a iste hereditage – que nos italianos habeva le gratia de reciper ben ante que Sancte Cyrillo e Methodio convertiva le populos slave al Christo – que nos etiam debe retornar: non pro celebrar lo como un vestigio de un passato gloriose ma consumite; sed pro facer lo renascer como un fide vivente que sona de novo in nostre vitas, in nostre familias, in nostre nationes. Iste hereditage brillara de novo, non como un simple “valor traditional”, sed como le mesme ration de nostre existentia, proque illo es fundate super nostre Senior Jesus Christo, Illo qui es le Alpha e le Omega, le Initio e le Fin de omne cosas, le Senior del Tempore e del Historia.
Le Prime Ministro Viktor Orbán ha ration: nos debe reconstruer Europa – non le Union Europee, clarmente – super le christianismo; e iste renascentia moral e social essera possibile solmente per le defensa del soveranitates national, le protection del familia, un reformation economic finalmente liberate del jugo del financia usurari, e le promotion de accordos de cooperation pacific inter Nationes. E etiam per le expulsion del elementos subversive que conspira pro occider nos, in le corpore e in le anima.
Pro combatter le globalismo, nos debe esser immun al errores e deceptiones de illo. Vamos comenciar dismantellar le falsitates e fraudes que illo ha fabricate, e vamos retornar a Christo, proclamante Su Senioria universal e testificante Su Evangelio in nostre proprie vitas, in prime loco. Isto es mi sperantia durante iste dies de Quadragesima que nos prepara pro Pascha. Nos face nostre le crito del Apostolos, tremente in le tempesta super le Mar de Galilea: “Domine, salva nos: nos va perir! (Mattheo 8:25). Le somno in le qual le Salvator sembla ignorar nostre timores finira in le momento in le qual nos finalmente habera le corage de retornar al Unic que pote vermente salvar nos, Illo qui domina le elementos, le Prince de Pace.
+ Carlo Maria Viganò, Archiepiscopo
Ancian Nuntio Apostolic al Statos Unite de America
Fonte original: https://exsurgedomine.it/250405-instaurare-eng/