Giòb, cap. 39
Séguit ëd la dësfida ‘d Nosgnor a Giòb
Testament Vej
Giòb, capìtol 27 e 28
Giòb a fortiss soa nossensa. La fin dj’ipòcrita. Giòb a parla dla sapiensa.
Isaìa, cap. 54
1Crija ‘d gòj, fomna stéril, ti che it l’has mai catà ‘d masnà! Canta ‘d salm, argiojiss, ti che it l’has pa mai parturì! Përchè vàire a saran ij pcit dla fomna desolà, pì che ij fieuj dla marià, a dis ël Signor. 2“Slarga lë spassi ëd toa tenda, slonga ‘l ridò ëd toe bënne che at fà da sosta, sensa fé economia; scursa pa tò soastr, arfòrsa toe stache. 3Përchè ti të slargheras a mancina e a drita. Ij tò fieuj a conquisteran ëd nassion e it të staras an sità ch’a j’ero stàite bandonà. 4Gnun-e tëmme, përchè it patiras pa pì d’onta; pa pì la pau, përchè ti ‘t saras pì nen umilià; përchè it dësmentieras la vërgògna ‘d toa gioventura e it n’aviseras pa pì d’esse stàita bandonà tanme na vidoa. 5Përchè tò marì a sarà adritura ‘l Creator; sò nòm a l’é ‘l Dé dl’univers. A l’é chiel tò Redentor, ël Sant d’Israel. Chiel a sarà ciamà “ël Dé dla tèra antrega”. 6Parèj ëd na fomna bandonà, magonà, Nosgnor as n’avisrà ‘d ti. L’hai-ne fòrsi d’arpudié la sposa ‘d mia gioventura? A dis ël Signor. 7Për pòch temp i l’hai chitate e con gran misericòrdia it arpijerai torna. 8Ant un moment ëd flin-a, i l’avìa stërmà mia fàcia da ti, ma con misericòrdia eterna i l’avrai pietà ‘d ti, a dis ël Signor, tò Redentor”.
Geremìa, cap. 32
52 La croa ‘d Gerusalem 1Sedechia a l’avìa vintun ann cora che a l’é vnùit a esse re e a l’ha regnà për óndes ann […]
Geremìa, cap. 25
25 Stanta agn ëd përzonìa për càusa vòstra 1Cost-sì a l’é ‘l mëssagi ch’a l’é stàit adrëssà a Geremìa për tut ël pòpol ëd Giuda […]
Provèrbi, cap. 23
Provèrbi 23 1Cora ch’it ses setà a la tàula ‘d n’òm potent[1], varda da bin lòn che it l’has ëdnans; 2s’it l’has tant aptit[2], fà tension […]
Isaia, cap. 32
Isaia 32 Giustissia e saviëssa a prevalran 1Dabon, un rè a regnera con giustissia e ij sò ufissiaj[1] a goerneran con dritura. 2Minca un ëd lor a […]
Provèrbi, cap. 14
Provèrbi 18 1Chi ch’a veul stess-ne për sò cont e a dëspressia j’avìs ch’a-j darìo j’àutri[1] a l’é mach n’egoista. 2Al fabiòch a-j pias nen la […]
